യാ റസൂലുള്ളാഹ്,,,!
മണ്ണിൽ നിന്ന് നിൻ റൂഹ്
വിണ്ണിലേക്ക് ഉയർന്ന നേരം
ഈ ഭൂമി ലോകം എത്ര മരവിച്ചു കാണും !
കാറ്റ് നിൻ സുഗന്ധത്തിനായി
പാരിൽ എത്രമാത്രം
അലഞ്ഞു കാണും !
മൺ തരികൾ
നിൻ പാദസ്പർശത്തിനായി
എത്ര കാത്തിരുന്നു കാണും !
അരുവികളിലെ ജലം
നിൻ കൈ കുമ്പിളിൽ നിറയാൻ
എത്ര ആഗ്രഹിച്ചു കാണും !
മേഘങ്ങൾ നിനക്ക്
തണലേകാൻ കൊതിച്ച്
എത്ര പാറി പറന്നു കാണും !
ഭൂമിയിലെ ചരാചരങ്ങളും
നിൻ ദേഹത്തോടോപ്പം മണ്ണിൽ അലിയാൻ
എത്ര പിടഞ്ഞു കാണും !
നൂറ്റാണ്ടുകൾക്കിപ്പുറവും
സാധുക്കളായ ഞങ്ങൾ
ആഗ്രഹിക്കുന്നതും ഒന്നുതന്നെ !
നാളെ മഹ്ശറയിൽ ശഫാഹത്തേകാൻ
ഞങ്ങൾക്ക് തുണ
നീ മാത്രമാണ് തിരുദൂതരേ !
നിൻ പ്രഭയും മഹത്വവും നീണാൽ വാഴും
ഖിയ്യാമം നാൾ വരേയും ഈ ഭൂമിയിൽ
യാ റസൂലുള്ളാഹ്,,,!
അല്ലാഹുവിന്‍റെ അന്ത്യ പ്രവാചകനോടുള്ള അദമ്യപ്രണയം വരികളില്‍ പൂത്തുലഞ്ഞു സൗരഭ്യം പടര്‍ത്തുന്നു.ഉല്‍ക്കടമായ ഈ അഭിനിവേശം മുത്തു റസൂലിനെ അറിഞ്ഞവര്‍ക്കെല്ലാമാണ്...അഭിനന്ദനങ്ങള്‍ !!
ReplyDeleteനിൻ പ്രഭയും മഹത്വവും നീണാൽ വാഴും
ReplyDeleteഖിയ്യാമം നാൾ വരേയും ഈ ഭൂമിയിൽ
യാ റസൂലുള്ളാഹ്...!